Nirasha

Nirasha yun to ek shabd hai jis se aaj tak har vyakti ko duur rehne ko kaha gaya hai par vastavikta kya hai, satya kya hai..maana ki humne seekha tha ki nar ho na nirash karo mann ko..par vastavikta is soch se kaafi duur aa chuki hai..Nirasha humare jeevan ka ek katu-satya hai jisko swikaar na karna humari nidarta nahi moorkhta kehlaayegi..

aaj jeevan ke uss path pe aa pahucha hoon jahan Arjun bhi main hoon aur saarthi bhi main

Ek aisa jeevan jis mein kabhi nirasha aur asahaay hone ki anubhooti kabhi bhi na ho, aise jeevan ko main kisi nadaan ki kalpana….aur kalpana bhi kya..parikalpana kahoonga..

Yadi mere jeevan mein maine kabhi safalta ki taraf dekha hai to iss baat ka sadaiv dhyaan raha hai ki asafalta bhi ek vikalp hai, sikke ke doosre bhaag ki tarah..aur jab sikka bhagya ka ho to nirnay lena kathin hai ki kis chhor pe aasha hai aur kispe nirasha..

zindagi..zindagi ek nasha hai dost, jab chadhta hai to mat poochho kya aalam hota hai..lekin jab utarta hai            ……….   …………   ………….

kabhi kabhi sochta hoon ki aasha aur nirasha ke beech ke path pe chalte hue kya khud ko kho doonga ya shayad khud se miloonga kahin…Main sochta hoon ki kaise pahucha hoon yahan tak..shayad apne hi sapnon ko kuchalte hue, ya kuch apno se ladte hue, ya un apno ke saath jo apne nahi they..main peeche dekhta hoon to mera path raktaranjit dikhaayi padta hai..shayad apna hi khoon hai…

Kabhi lautoonga wapis isi path se nirasha ko duur chhorke..itna duur ki laut ke aa na sake..shayad tab hi is ashaant mann ko shaanti mil sake..abhi samay nahi hai, mujhe chalte jaana hoga..

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s